2023 වසර සඳහා අඛණ්ඩ විදුලි සැපයුමක් සඳහා පැහැදිලි සැලැස්මක් පසුගිය වසර අවසානයේ ලංකා විදුලිබල මණ්ඩලය විසින් මහජන උපයෝගිතා කොමිෂන් සභාවට සහ අදාළ බලධාරීන්ට ලබා දී ඇති බව විදුලිබල හා බලශක්ති අමාත්‍ය කංචන විජේසේකර මහතා ට්විටර් පණිවුඩයක් නිකුත් කරමින් පවසයි.
ලංකා විදුලිබල මණ්ඩලය සහ ලංකා ඛනිජ තෙල් සංස්ථාව කාර්යක්ෂම කිරීමට සහ පිරිවැය කපා හැරීමට අවශ්‍ය ප්‍රතිසංස්කරණ රජය විසින් කඩිනම් කරමින් සිටින බවත් එම ආයතන දෙකටම පිරිවැය පරාවර්තක මිලක් තිබීම අත්‍යවශ්‍ය බවත් ලංකා ඛනිජ තෙල් සංස්ථාව මිලකරණ යාන්ත්‍රණය ශ්‍රි ලංකා මහ බැංකුව සහ භාණ්ඩාගාරය මත යැපීමෙන් තොරව පසුගිය මාස කිහිපය තුළ සිය මෙහෙයුම් පවත්වාගෙන යාමට මූල්‍ය ස්ථාවර කර ඇති බවද බලශක්ති අමාත්‍යවරයා නිකුත් කළ ට්විටර් පණිවුඩයේ වැඩි දුරටත් සඳහන් වෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
