රජයේ ප්‍රවෘත්ති දෙපාර්තමේන්තු පරිශ්‍රයේ අද(ජනවාරි 31) පැවති අමාත්‍ය මණ්ඩල තීරණ දැනුම්දීමේ මාධ්‍ය සාකච්ඡාවේ දී මැතිවරණ කොමිසමේ සාමාජිකයන් ඉල්ලා අස්වීමට සැළැස්වීම සඳහා ජනාධිපති මාධ්‍ය ඒකකය උපක්‍රම භාවිත කළේයැයි ජනමාධ්‍ය තුළ තිබූ චෝදනා සම්බන්ධයෙන් මාධ්‍ය කළ විමසුමකට පිළිතුරු වශයෙන් අමාත්‍යවරයා මේ බව පැවසීය.
ජනාධිපතිවරයාගේ උපදෙම් මත නාමයෝජනා භාර දී ඇති බවත්, මෙම මැතිවරණයට ඉදිරිපත් වන අපේක්ෂකයන්ට වැඩමුළු සම්මන්ත්‍රණ දිවයින පුරා පවත්වාගෙන යන බවත්, ජනමාධ්‍ය අමාත්‍යවරයා පැවසීය.
ජනාධිපති මාධ්‍ය ඒකකය පවතිනුයේ ජන සන්නිවේදන අමාත්‍යංශය යටතේ නොවන බවත්, සියලුම ජනාධිපතිවරු යටතේ තමන්ට හිමි ජනාධිපති මාධ්‍ය ඒකකයක් පැවති බවත්, එය පවතිනුයේ තම සීමාව තුළ නොවන බවත්, අමාත්‍යවරයා පැවසීය.
කෙසේ වෙතත් මැතිවරණය කල් දැමීමට ජනාධිපති මාධ්‍ය ඒකකය කටයුතු කරන්නේ යැයි සාධාරණ සැකයෙන් ඔබ්බට සාක්ෂි තිබේ නම් අධිකරණයට හෝ අදාළ බලධාරී ආයතනයකට ඉදිරිපත් කළ හැකි බවද අමාත්‍යවරයා පැවසීය.
