ඔලිම්පික් පදක්කම්ලාභී සුසන්තිකා ජයසිංහ මහත්මිය ශ්‍රී ලංකා කාන්තා ක්‍රිකට් සඳහා උපදේශිකාවක් ලෙස ශ්‍රී ලංකා ක්‍රිකට් ආයතනය විසින් පත් කර තිබේ.
2023 පෙබරවාරි මස 01 වන දින සිට බලපැවැත්වෙන පරිදි මෙම පත්වීම සිදුකර ඇතැයි නිවේදනයක් නිකුත් කරමින් ශ්‍රී ලංකා ක්‍රිකට් ආයතනය සඳහන් කර සිටී.
ශ්‍රී ලංකාව බිහිකළ දක්ෂතම මලල ක්‍රීඩිකාවක් වන සුසන්තිකා ජයසිංහ, මෙරට වෙනුවෙන් ඔලිම්පික් පදක්කමක් දිනූ එකම ක්‍රීඩිකාව ද වනවා. ඇය ශ්‍රී ලංකාවේ කාන්තා ක්‍රිකට් ක්‍රීඩාවට වටිනා සම්පතක් වනු ඇති බව ද එම නිවේදනය මගින් ශ්‍රී ලංකා ක්‍රිකට් ආයතනය වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
