75 වන නිදහස් දිනය වෙනුවෙන් අග්‍රාමාත්‍ය නරේන්ද්‍ර මෝදි මහතා විසින් අග්‍රාමාත්‍ය දිනේෂ් ගුණවර්ධන මහතාට, රජයට සහ ශ්‍රී ලංකාවේ ජනතාවට සුබ පැතුම් එක් කළ බව ශ්‍රී ලංකාවේ පිහිටි ඉන්දීය මහකොමසාරිස් කාර්යාලය සිය ට්විටර් ගිණුමේ නිල නිවේදනයක් නිකුත් කරමින් ප්‍රකාශ කරයි.
ඒ අනුව, ඉන්දියාව සහ ශ්‍රී ලංකාව අතර රාජ්‍ය තාන්ත්‍රික සබඳතා පිහිටුවා වසර 75ක් 2023 වසරේ දී සනිටුහන් වන බව පැවසූ ඉන්දීය අග්‍රාමාත්‍යවරයා දෙරට අතර සමීප ඓතිහාසික බැඳීමක්, භූගෝලීය සමීපත්වයක් සහ සංස්කෘතික සබැඳියාවක් පවතින බව ද සඳහන් කර ඇත.
එමෙන්ම, ශ්‍රී ලංකාවේ ආර්ථිකය යථා තත්වයට පත් කිරීම සඳහා ශ්‍රී ලංකාවේ ජනතාවට ඉන්දියාවේ සහයෝගය ඉන්දීය අගමැතිවරයා මෙහි දී අවධාරණය කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
