ජපන් රජය විසින් ශ්‍රී ලංකාවට ඩොලර් මිලියන හතළිස් හයක මානුෂීය ආධාර ප්‍රදානය කිරීමට තීරණය කර ඇති අතර ඒ සම්බන්ධයෙන් වන ගිවිසුම එළැඹෙන 22 වැනිදා අත්සන් කිරීමට නියමිත ව තිබේ.
ඒ බව කම්කරු හා විදේශ රැකියා අමාත්‍ය මනුෂ නානායක්කාර මහතා පවසයි.
මෙම මානුෂීය ආධාර මගින් පවත්නා අභියෝගාත්මක ආර්ථික තත්ත්වය තුළ ශ්‍රී ලංකාවට තිරසාර වෛද්‍ය සේවා සැපයීම පිණිස දිවයිනේ සියලු රජයේ රෝහල්, ගිලන් රථ, වෛද්‍ය කාර්ය මණ්ඩල සහ උපකරණ ප්‍රවාහන වාහන 1180ක් සඳහා ඩීසල් ඉන්ධන ලීටර් මිලියන විස්සක් ලබා දීමට නියමිත බව සඳහන් කෙරේ.
පවත්නා අභියෝගාත්මක ආර්ථික තත්ත්වය ජය ගැනීම පිණිස වන ජපානයේ සහෝදරාත්මක මානුෂීය මැදිහත් වීම බෙහෙවින්ම අගය කළ යුතු වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
