එළඹෙන පළාත් පාලන ආයතන මැතිවරණය වෙනුවෙන් තැපැල් ඡන්ද සළකුණු කිරීම නියමිත දිනට නොපවත්වන බවත්, අදාළ ඡන්ද සළකුණු කිරීමේ දිනය පසුව දැනුම් දෙව බවත්, මැතිවරණ කොමිසම දන්වයි.
තැපැල් ඡන්ද සළකුණු කිරීම සම්බන්ධයෙන් පෙබරවාරි 17 (අද) දින මාධ්‍ය වෙත නිවේදනයක් නිකුත් කරමින් එම කොමිෂන් සභාව මේ සම්බන්ධයෙන් දැනුම් දී ඇත.
තැපැල් ඡන්ද සළකුණු කිරීම 2023 පෙබරවාරි 22,23,24 සහ 28 යන දිනයන්හි පැවැත්වීමට යෝජිතව තිබූ නමුත් එකඟ වූ පරිදි එම දිනවල තැපැල් ඡන්ද පත්‍රිකා මැතිවරණ කොමිසම වෙත රජයේ මුද්‍රණාලය විසින් ලබානොදීම හේතුවෙන් මෙසේ ඡන්දය කල් දැමීමට සිදුවන බව එම කොමිසම වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
