රජයේ ප්‍රවෘත්ති දෙපාර්තමේන්තුවේ සහකාර අධ්‍යක්ෂ (මාධ්‍ය පර්යේෂණ) හර්ෂ අබේකෝන් මහතා විසින් කැබනට් ප්‍රකාශක ජනමාධ්‍ය අමාත්‍ය ආචාර්ය බන්දුල ගුණවර්ධන මහතාට සඟරාවේ මංගල කලාපය පිළිගැන්වීය
පාසල් මාධ්‍ය පුවත් විද්‍යුත් පුවත්පත සෑම මසකම 15 වන දින අන්තර්ජාලය ඔස්සේ පාසල් මාධ්‍ය සමාජ ගුරුවරුන් ඇතුළු සිසු දරුවන් වෙත ලබා දීමට නියමිත අතර, මෙම විද්‍යුත් පුවත්පත සඳහා මහාචාර්ය ටියුඩර් වීරසිංහ, මහාචාර්ය ශ්‍රී රංජන් ඇතුළු ආචාර්ය මහාචාර්යවරුන්ගේ ලිපි ඇතුලත් වන අතර අධ්‍යාපනඥ බන්දුල පී. දයාරත්න මහතා සහ රජයේ ප්‍රවෘත්ති දෙපාර්තමේන්තුවේ සහකාර ප්‍රවෘත්ති අධ්‍යක්ෂ හර්ෂ බී. අබේකෝන් යන මහත්වරුන්ගේ සංස්කාරකත්වයෙන් පාසල් මාධ්‍ය පුවත් විද්‍යුත් පුවත්පත එළිදැක්වේ.
මෙම අවස්ථාවට රජයේ ප්‍රවෘත්ති දෙපාර්තමෙනේතුවේ හිටපු ප්‍රවෘත්ති අධ්‍යක්ෂ ජනරාල්වරයෙකු වන ජ්‍යෙෂ්ඨ මාධ්‍යවේදී මොහාන් සමරනායක මහතා, රජයේ ප්‍රවෘත්ති අධ්‍යක්ෂ ජනරාල් දිනිත් චින්තක කරුණාතිලක මහතා සහභාගී විය.
