ශ්‍රී ලංකාවේ ධීවර ප්‍රජාවට හානි සිදුවන අයුරින් කිසිදු ආකාරයේ තීන්දුවක් රජය විසින් නොගන්නා බවත්, ඉන්දීය ධීවරයන්ට ශ්‍රී ලංකා මුහුදු සීමාවේ මසුන් ඇල්ලීමට අවසර දිමට රජය කටයුතු සිදුකරගෙන යන බවට වන පුවත් අසත්‍ය බවත්, ධීවර අමාත්‍ය ඩග්ලස් දේවානන්දා පවසයි.
පෙබරවාරි 27දා ධීවර අමාත්‍යංශයේදී පැවති රැස්වීමකින් අනතුරුව මාධ්‍ය වෙත නිවේදනයක් නිකුත් කරමින් අමාත්‍යවරයා මේ සම්බන්ධයෙන් දන්වා ඇත.
පසුගිය කාලයේදී මේ ආකාරයෙන්ම චීන බලධාරීන්ට ශ්‍රී ලංකාවේ උතුරු මුහුදු තීරයේ මුහුදු කූඩැල්ලන් වගාව සදහා අවසරය දී ඇති බව මෙන්ම චීනයට උතුරු මුහුද විකිණීමට යන බවට ද අසත්‍ය ප්‍රචාර ජනතාව අතරට මුදාහැරි බවත්, මේ සියල්ල දේශපාලන වාසි වෙනුවෙන් නිකුත් කරන අසත්‍ය ප්‍රචාර බවත්, ඒ සම්බන්ධයෙන් ජනතාව විමසිලිමත් විය යුතු බවත්, අමාත්‍යවරයා තවදුරටත් දන්වා ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
