අමාත්‍යවරයා මේ බව පැවසුවේ, ඊයේ (01) රජයේ ප්‍රවෘත්ති දෙපාර්තමේන්තුවේ දී කෘෂිකර්ම අමාත්‍යංශයේ 2023 වසරග වෙන් කර ඇති මුදල් ප්‍රතිපාදන ඵලදායී ලෙස යොදා ගැනීමට ගෙන ඇති පියවර සම්බන්ධව දැනුවත් කිරීමට පැවති මාධ්‍ය සාකච්ඡාවට සහභාගී වෙමිනි.
නියඟ හෝ ගංවතුර තත්වයක් හෝ ස්වභාවික ආපදාවන් ඇති නොවුනහොත් ඉදිරියේදී සහල් අතිරික්තයක් ඇතිවිය හැකි බවත් අමාත්‍යවරයා පෙන්වා දුන්නේය. එසේම ඉදිරියේ දී අස්වැන්න වැඩිකිරීමට අවධානය යොමු කර ඇති බවද හෙතෙම පෙන්වා දුන්නේය.
ඉදිරි වසර 10 ඇතුළත මෙට්‍රික්ටොන් 5.5 ක අස්වැන්නක් ලබාගැනීම ඉලක්කය බවත් අමාත්‍යවරයා පැවසීය.
මේ සඳහා නැනෝ තාක්ෂණය භාවිත කිරීමට අපේක්ෂිත බවත් විවිධ පර්‍යේෂණ ක්‍රමඅත්හදා බලන බවත් අමාත්‍යවරයා මෙහිදී පෙන්වා දුන්නේය.
කෘෂිකර්ම අමාත්‍යංශයට ජනාධිපතිවරයා විශාල මුදලක් ලබා දී ඇති බව පැවසූ අමාත්‍යවරයායල කන්නයට කිසිඳු හිඟය්ද්කින් තොරව පොහොර ලබා දීමට සැළසුම් කර ඇති බවත් කන්න තුනකට පසුව මඩ පොහොර ලබාදීමට කටයුතු කර ඇති බවත්පෙන්වා දුන්නේය.
මහකන්නයට වගා කරන සෑම කුඹුරකට ම මඩ පොහොර නොමිලේ ලබා දෙන බවත් අමාත්‍යවරයා අවධාරණය කළේය.එසේම මඩපොහොර රැගත් නෞකාව මාර්තු මස 15 සිට 20 අතර කාලයේ දී කොළඹට ළඟාවීමට නියමිත බවත් හෙතෙම පැවසීය.
එසේ ම බණ්ඩි පොහොර මිටියක් රුපියල් 10000කට ලබාදීමට කැබිනට් පත්‍රිකාවක් ඉදිරිපත් කරන බව පැවසූ අමාත්‍යවරයා, ආහාර සුරක්ෂිත කමිටුවේදී ද පොහොර සම්බන්ධව සාකච්ඡා කළ බව ද අමාත්‍යවරයා කීය.
ඉදිරියේදී ගෙවත්තේ එළවලු වගාකිරීම තවදුරටත් ව්‍යාප්ත කරන බව පවසන අමාත්‍යවරයා රජයේ ඉඩම් , කාර්‍යාල ආගමික ස්ථාන සහ පාසල්වල වගා කළහැකි ඉඩකම වගා කිරීම් ආරම්භ කරන බවද අමාත්‍යවරයා පෙන්වා දුන්නේය.
රැකියා විරහිත තරුණ ප්‍රජාව කෘෂිකර්මාන්තයට යොමු කළ යුතු බව පෙන්වා දෙන අමාත්‍යවරයා, සාර්ථක අස්වැන්නක් මගින් ආදායම වැඩි වන්නේ නම් තරුණ පිරිස් කෘෂිකර්මාන්තයට යොමු වන බවද පැවසීය.
