අරලියගහ මන්දිරය බැලීමට පැමිණි, කොළඹ මිලාගිරිය ශාන්ත පාවුලු බාලිකා විදුහලේ ශිෂ්‍යාවන් සමග සතුටු සාමීචියේ යෙදුනු අග්‍රාමාත්‍යවරයා, ඔවුන් සමග සමූහ ඡායාරූපයකටද පෙනී සිටියේය. එම දැරියයෝ අගමැතිවරයාට උපන් දින සුබපැතුම්ද එක් කළහ. වැල්කවත්තේ ළමා නිවාසයකට ගොස් එහි දරු දැරියන් සමගද ඔහු කාලය ගත කළ අතර එම දරුවෝද දිනේෂ් ගුණවර්ධන අග්‍රාමාත්‍යවරයාට උපන් දින සුබ පැතුම් එක් කිරීමට අමතක නොකළහ.
ඒ වගේම, අගමැතිවරයාගේ උපන් දිනය නිමිති කරගෙන, අනෙකුත් වසරවල මෙන් මෙවරද රාජගිරිය කළපළුවාව ශ්‍රී ගෞතම තපෝවනය විහාරස්ථානයේදී දානමය පින්කමක් මෙන්ම රත්මලාන HelpAge සංවිධානය පවත්වාගෙන යන, වැඩිහිටි දිවා සුරැකුම් මධ්‍යස්ථානයට හා කොට්ටාව තිසරණ වැඩිහිටි නිවාසයටද දානය පිරිනැමීම සිදු කෙරිණි.
කෝට්ටේ රජමහ විහාරයේ ආශිවාද පින්කමක්ද පැවැත්වුනේ විශාල පිරිසකගේ සහභාගිත්වයෙනි.
ඡායාරූපවල දැක්වෙන්නේ, අග්‍රාමාත්‍යවරයා කොළඹ බෞද්ධාලෝක මාවතේ ධර්මායතනයට පැමිණ, විහාරාධිපති පූජ්‍ය ඇල්ලේ ගුණව‍ශ හිමිගෙන් ආශිවාද ලබාගත් අවස්ථාව සහ නාරාහේන්පිට අභයාරාමයට පැමිණ විහාරාධිපති පූජ්‍ය මුරුත්ට්ගෙට්ටුවෙ ආනන්ද ස්වාමීන් වහන්සේගෙන් ආශිර්වාද ලබාගත් අවස්ථාවන්ය.
