මේ සඳහා තැනැත්තන් වෙළදාමට එරෙහි ජාතික කාර්යසාධක බලකායේ (NAHTTF)නීරීක්ෂණ ලබා ගැනීම සඳහා වු විශේෂ රැස්වීමක් කම්කරු හා විදේශ රැකියා ආමාත්‍යය මනුෂ නානායක්කාර මැතිතුමාගේ ප්‍රධානත්වයෙන් (01 දින ) කම්කරු හා විදේශ රැකියා අමාත්‍යාංශයේදී පැවැත්විනි.
මෙහිදී මිනිස් වෙළදාම වැලැක්වීමේ උපක්‍රමයක් ලෙස රැකියා සඳහා විදේශගත වන පුද්ගලයින්ගේ ජෛවමිතික තොරතුරු ( Biometric) ඩිජිටල් කරන ක්‍රීයාවලියක් තුලින් දත්ත පද්ධතියක් තුළට ඇතුලත් කීරීමට තීරණය කරන ලදි .
1981 අංක 21 දරන විදේශසේවා නියුක්ති කාර්යාංශ පනත 1994 අංක 4 සහ 2009 අංක 56 දරන සංශෝධනය වලින් සමන්විත වන අතර අවස්ථානෝචිතව යාවත්කාලීන කිරීමට පියවර ගැනීම කාර්යාංශය විසින් කාලීනව සිදුකරනු ලබයි.
ඒ අනුව සකස් කරන ලද නව සංශෝධනයන් මගින් තැනැත්තන් වේලදාමට එරෙහි ජාතික කාර්යසාධක බලකායේ (NAHTTF) නීරීක්ෂණ යන්ද සහිතව අදාළ නීති රීති දැඩි කිරීමටත්, ඒ අනුව නව සංශෝධනයන් සිදුකිරීමටත් යෝජනා සකස් කර ඇත.
කම්කරු අමාත්‍යංශයේ ලේකම් ආර්.පී.ඒ විමලවීර, අමාත්‍ය උපදේශිකා පද්මණී රත්නායක, අමාත්‍ය පුද්ගලික ලේකම් ශාන් යහම්පත් , විදේශ සේවා නියුක්ති කාර්යාංශයේ වැඩ බලන සභාපති සමින්ද ජයසේකර, විදේශ සේවා නියුක්ති කාර්යාංශයේ සාමාන්‍යාධිකාරි ඩි. ඩී. පී. සේනානායක ඇතුළු මහත්ම මහත්මීන් රැසක් මෙම සාකච්ඡාවට සහභාගී වූහ.
