මැතිවරණය පැවැත්වීමේ දිනය තීරණය කිරීම සඳහා අද (මාර්තු 07) පැවැති රැස්වීමෙන් අනතුරුව එම තීරණය ගත් බව එම කොමිෂන් සභාව විසින් මාධ්‍ය නිවේදනයක් මගින් දන්වා ඇත.
මෙම නිවේදනයෙන් වැඩිදුරටත් දන්වා ඇත්තේ, ඡන්ද පත්‍රිකා හා අනෙකුත් මුද්‍රණ කටයුතු මෙන්ම සෙසු පහසුකම් සම්බන්ධයෙන් ඇතිවූ නොවැළැක්විය හැකි තත්වය මත ඡන්ද දිනය වෙනස්වීම සම්බන්ධයෙන් දිස්ත්‍රික් තේරීම්භාර නිලධාරීන් දැනුම්වත් කළ බවත්, මීළඟ සුදුසු දිනය අප්‍රේල් 25 යැයි එම නිලධාරීන්ට දැනුම් දුන් බවත්ය.
ඒ අනුව ඉදිරියේදී දිස්ත්‍රික් තේරීම් භාර නිලධාරීන් එක් එක් දිස්ත්‍රික්කය තුළ මැතිවරණ දිනය අප්‍රේල් 25 බව දැනුම් දෙනු ඇති බවද එම නිවේදනයේ තවදුරටත් සඳහන්ය.
