දෙරටෙහි සංස්කෘතික, ආගමික උරුමයන් තහවුරු කරන සබඳතාවයන් ගොඩනගන නව වැඩසටහන් කිහිපයක් පිළිබඳව ද මෙම සාකච්ඡාවේ දී අමාත්‍යවරයාගේ අවධානය යොමු විණි. පසුගිය දා ඉන්දියාවේ දී පැවති සම්මන්ත්‍රණයන් හි දී හමු වූ ආයතන සමඟ ඒකාබද්ධව නව වැඩසටහන් කිහිපයක් ක්‍රියාත්මක කිරීමට ද මෙහි දී අවධානය යොමු විය. විශේෂයෙන්ම සාංචි සහ නාලන්දා විශ්ව විද්‍යාල සමගත් මධ්‍ය ප්‍රදේශ් රජය සමඟත් රාමායනයට අදාල රාමා ගේ ගමන් මග වැනි ඉතිහාස ගවේශණ මෙන්ම විවිධ සංස්කෘතික හුවමාරු වැඩසටහන් පිළිබඳවත් ගොඩබිම සහ සාගරයේ පුරාවිද්‍යාත්මක ගවේශණ සිදුකිරීම සම්බන්ධයෙනුත් අමාත්‍යතුමා ඉන්දීය නියෝජිතයින් සමඟ සාකච්ඡා විය.
මෙම සාකච්ඡා සඳහා ඉන්දීය මහ කොමසාරිස් GOPAL BAGLAY මහතා, නියෝජ්‍ය මහ කොමසාරිස් Vinod Jacob මහතා, පුවත්පත්, තොරතුරු සහ සංවර්ධන සහයෝගිතා උපදේශක Eldos Mathew Punnoose මහතා, දෙවන ලේකම්(සංවර්ධන සහයෝගීතා) Mahesh Chand Giri මහතා ඉන්දිය රජය නියෝජනය කරමින් මෙම සාකච්ඡාව සඳහා සහභාගී වූහ. බුද්ධශාසන, ආගමික හා සංස්කෘතික කටයුතු අමාත්‍යංශය නියෝජනය කරමින් ලේකම් සෝමරත්න විදානපතිරණ මහතා සහ අධ්‍යක්ෂ ආචාර්ය ප්‍රසාද් රණසිංහ මහතා අමාත්‍යවරයා සමඟ සාකච්ඡා සඳහා සහභාගි විණි.
