අද දිනට (16) යෙදෙන සිය ජන්ම දිනය නිමිත්තෙන් ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා ඓතිහාසික කැලණි රජමහා විහාරස්ථානයේදී උදෑසන ආගමික වතාවත් වල නිරත විය.
ආගමික වතාවත්වලින් අනතුරුව අමාත්‍යවරයා, කැලණිය රජ මහා විහාරාධිපති, කැලණිය විශ්ව විද්‍යාලයේ කුලපති, ජ්‍යෙෂ්ඨ මහාචාර්ය අතිපූජනීය කොල්ලූපිටියේ මහින්ද සංඝරක්ඛිත නායක හිමියන් බැහැ දැක ආශිර්වාද ලබා ගැනීමද සිදුවිය.
දේශීය වෛද්‍ය රාජ්‍ය අමාත්‍ය සිසිර ජයකොඩි මහතා ඇතුළු පිරිසක් මෙම අවස්ථාවට එක්ව සිටියහ.
එමෙන් ම ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ ජන්ම දිනය වෙනුවෙන් පැවති දානමය පිංකම සහ ප්‍රජා මුළුතැන්ගෙයි දානය කොළඹ ගංගාරාම විහාරස්ථානයේ දී පැවැත්විණ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
