හෙට දිනයේ පැවැත්වීමට නියමිතව තිබූ රාජ්‍ය සේවා ගුරු විභාගය දින නියමයක් නොමැතිව කල් ගිය බව අධ්‍යාපන අමාත්‍ය ආචාර්ය සුසිල් ප්‍රේම්ජයන්ත් මහතා පාර්ලිමේන්තුවේදී අද(24) ප්‍රකාශ කළේය.
දිවයිනේ ජාතික හා පළාත් පාසල්වල පවතින සිංහල, දෙමළ හා ඉංග්‍රී සි මාධ්‍ය ගුරු පුරප්පාඩු සඳහා රාජ්‍ය සේවයේ නියුතු උපාධිධාරින් බඳවා ගැනීම සඳහා මෙම විභාගය පැවැත් වීමට නියමිතව තිබුණි.
එහෙත් ශ්‍රේෂ්ඨාධිකරණ තීන්දුවක් මත විභාගය කල් දැමීමේ තීරණය ගත් බව අමාත්‍යවරයා පැහැදිළි කළේය. නීතිපතිවරයාගේ උපදෙස් අනුව එම ගැටළුව හැකි ඉක්මනින් සමථයකට පත් කර ඉදිරි දිනයකදී එම විභාගය නැවත පැවැත්වීමට කටයුතු කරන බව අධ්‍යාපන අමාත්‍යවරයා සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
