හෝමාගම - පිටිපන මංසන්ධියේ ඉදි කෙරෙන අවුකන බුද්ධ ප්‍රතිමාවේ අනුරුව සඳහා ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා විසින් පසුගිය දා ( 23) පෙරවරුවේ මුල්ගල තබන ලදි.
අමාත්‍ය ආචාර්ය බන්දුල ගුණවර්ධන මැතිතුමාගේ සංකල්පයකට අනුව එතුමාගේ පුද්ගලික ධන පරිත්‍යාගයෙන් ඉදිකෙරන මෙම බුද්ධ ප්‍රතිමාවේ උස අඩි තිහකි.
බුද්ධ ප්‍රතිමාවේ මුල්ගල තැබීමේ අවස්ථාවට හෝමාගම ශ්‍රී සුගත බිම්බාරාම විහාරය , හෝමාගම පුරාණ විහාරය , පිටිපන උත්තරාරාම විහාරය යන විහාරස්ථානවල නායක ස්වාමීන් වහන්සේලා ඇතුළු ගෞරවණීය මහා සංඝරත්නය, ප්‍රදේශයේ ව්‍යාපාරිකයින්, ප්‍රදේශවාසීන් ඇතුළු පිරිසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
