පාර්ලිමේන්තුවේදී විශේෂ ප්‍රකාශයක් සිදු කරමින් ජනාධිපතිවරයා මේ බව සඳහන් කළේය.
වැඩිදුරටත් අදහස් දැක් වූ ජනාධිපතිවරයා සඳහන් කළේ මේ වන විටත් රට තුළ ආර්ථික ස්ථාවරභාවය ගොඩනැගෙමින් ඇති බවයි.මේ වන විටත් ආයෝජකයින් මෙරටට පැමිණෙන බවත් , සමාජ ආරක්ෂණය සඳහා වැඩි මුදලක් වෙන් කර ඇති බවද ජනාධිපති රනිල් වික්‍රමසිංහ මහතා පෙන්වා දුන්නේය.
දරිද්‍රතාවයෙන් පෙළෙන අය ගැන රජය සොයා බලන බවත් නව සමාජ ආරක්ෂණ ජාලාවක් ඇති කරන බවත් සඳහන් කළ ජනාධිපතිවරයා සේවක අර්ථ සාධක අරමුදලට හානියක් වෙන්න ඉඩ තබන්නේ නැතැයිද සඳහන් කළේය.
වැඩිදුරටත් අදහස් දැක් වූ ජනාධිපතිවරයා පැවසුවේ,
IMF විසඳුම හැර වෙනත් විසඳුමක් අද අපට නැහැ, ඒ නිසා අපට තිබෙන්නේ මෙය අනුමත කරන්න,මෙහි තිබෙන අඩපාඩු කම් සම්බන්ධයෙන් IMF නියෝජිතයින් සමග මාස 06න් 06ට සාකච්ඡා කරන්න පුළුවන්, අපි ඔක්කොම එකතුවෙලා එකම ජාතික ප්‍රතිපත්ති රාමුවක් හදමු. මේ සඳහා අපි ඔක්කොම එකතුවෙමු. අපි මෙය නොකළොත් අපි තරුණයන්ව පාවලා දෙනවා. ඔවුන්ගේ අනාගතය නැති කරනවා. ඒ නිසා සියළු දෙනාම එක්ව මෙය අනුමත කරන්න.
