ඔහු මේ බව පැවසුවේ, අද (05) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.

උතුරු පළාතේ සෞඛ්‍ය සේවා සැපයීම ශක්තිමත් කිරීම සඳහා ව්‍යාපෘති පිරිවැයෙන් 75%ක් මූල්‍යණය කිරීම සඳහා යුරෝ මිලියන 4.5ක ණය මුදලක් ලබාගැනීම පිණිස නෙදර්ලන්යේ ing සමග ගිවිසුමකට එළඹ ඇතැයිද ඉතිරි 25%ක ව්‍යාපෘතිය නෙදර්ලන්ත රජයෙන් Invest International Public Programme තුළින් ප්‍රධානයක් වශයෙන් මූල්‍යණය කරනු ලබන බවද පැවසුවේය.

මේ වන විට ව්‍යාපෘතියේ භෞතික ප්‍රගතිය 93%ක් පමණ වන බවද, ලංකාවේ පවතින ආර්ථික තත්ත්වය සැලකිල්ලට ගෙන ණය මුලදින් 10%ක් පමණ අඩු කර ව්‍යාපෘතිය සඳහා ලබාදෙන ප්‍රදානය 35% දක්වා ඉහළ නැංවීමට නෙදර්ලන්ත රජය විසින් තීරණය කර ඇතැයිද අමාත්‍යවරයා සඳහන් කළේය.

ඒ සඳහා අදාල සංශෝධන ඇතුලත් කරමින් නෙදර්ලන්ත Invest International Public Programme නෙදර්ලන්ත ing බැංකුව සමග එකඟතා ගිවිසුමකට එළඹීමට ඇතැයිද ඒ සදහා කැබිනට් මණ්ඩල අනුමැතිය ලබාදුන් බවද අමාත්‍යවරයා පැවසුවේය.

මෙම අවස්ථාවේ රටෙහි පවතින ආර්ථික හා මූල්‍ය අර්බුදය සැලකිල්ලට ගෙන නෙදර්ලන්ත රජය ලංකාවට වාසිදායක තීන්දුවක් ලබාදී ඇතැයිද කැබිනට් ප්‍රකාශකවරයා අවධාරණය කළේය.

මෙය මෙම අවස්ථාවේදී ලංකා ආණ්ඩුවට විශාල සහනයක් බවද මෙම තීරණය ගැනීම සම්බන්ධයෙන් නෙදර්ලන්ත රජයට ජාතියේ ගෞරවය පුදකරන බවද සඳහන් කළේය.