ලබන වසරේ දී ටැම් පිට විහාර පමණක් නොව, විනාශ වෙමින් යන සෙල් ලිපි විශේෂ වැඩපිළිවෙලක් මඟින් සංරක්ෂණය කිරීමේ නව වැඩසටහනක් ක්‍රියාත්මක වන බව බුද්ධ ශාසන,ආගමික සහ සංස්කෘතික කටයුතු අමාත්‍ය විඳුර වික්‍රමනායක මහතා අද (10) පාර්ලිමේන්තුවේ දී පැවසීය.
ටැම් පිට විහාර ප්‍රතිසංස්කරණ කටයුතු අඩාල වී ඇති බවත් ඒ සම්බන්ධව ගන්නා ක්‍රියාමාර්ගය කුමක් දැයි පාර්ලිමේන්තු මන්ත්‍රී සමන්ප්‍රිය හේරත් මහතා යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව කීය.
මධ්‍යම සංස්කෘතික අරමුදලේ විශාල මුදලක් ස්ථාවර තැම්පතු යටතේ පැවතුණ බවත්, එම මුදල් 2019 වසරේ නැති වූ බව අමාත්‍යවරයා පැවසීය.
එම මුදල් තිබුණා නම් මේ තත්ත්වය උදා නොවන බවද කී අමාත්‍යවරයා, ලබන වසරේ දී ටැම් පිට විහාර හා සෙල් ලිපි සංරක්ෂණය කිරීමේ වැඩසටහනක් අරඹන බව කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
