විශේෂ අවශ්‍යතා සහිත දරුවන් 200 දෙනෙක් අද පාර්ලිමේන්තුව දැක ගැනීමට පැමිණ ඇති බවත්,මෙය ඉතිහාසයේ ප්‍රථම වතාවට සිදු වූ සිදුවීමක් බව කථානායක මහින්ද යාපා අබේවර්ධන මහතා අද(04) නිවේදනය කළේය.
ජාත්‍යන්තර අබාධ සහිත තැනැත්තන්ගේ දිනය වෙනුවෙන් , පාර්ලිමේන්තුවේ අබාධ සහිත තැනැත්තන්ගේ සංසදය විසින් මෙය සංවිධානය කර තිබේ.
මෙම දරුවන් පාසල් කිහිපයක් නියෝජනය කරන එම දූ පුතුන් සතුටින් පිළිගන්නා බව, පාර්ලිමේන්තු කටයුතු ආරම්භයේදී කථානායකවරයා නිවේදනය කළේය.
මෙම අවස්ථාවේ නැගී සිටි විපක්ෂ නායක සජිත් ප්‍රේමදාස මහතාද, එම දරුවන් පිළිගනු ලැබීය. 2007 වසරේ සිට විශේෂ අවශ්‍යතා සහිත දරුවන් වෙනුවෙන් අණ පනත් ඉදිරිපත් කළ ද එම අණපනත් ක්‍රියාත්මක වී නැතැයිද පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
