ඒ අනුව ඉවත් වන ලෙස දැනුම් දෙන රතු නිවේදනය මහනුවර දිස්ත්‍රික්කයේ උඩුදුම්බර ප්‍රාදේශීය ලේකම් කොට්ඨාසයට නිකුත් කර ඇත. එසේම අවධානයෙන් සිටින ලෙස දැනුම් දෙන ඇම්බර් වර්ණයේ නිවේදනය බදුල්ල දිස්ත්‍රික්කයේ පස්සර සහ ලුනුගල ප්‍රාදේශීය ලේකම් කොට්ඨාසයට සහ මොණරාගල දිස්ත්‍රික්කයේ මැදගම ප්‍රාදේශීය ලේකම් කොට්ඨාසවලට නිකුත් කර තිබේ.
තවද විමසිල්ලෙන් පසුවන ලෙස දැනුම් දෙන කහ වර්ණයේ නිවේදනය දිස්ත්‍රික්ක කිහිපයකට නිකුත් කර ඇත.ඒ අනුව බදුල්ල දිස්ත්‍රික්කයේ සොරනාතොට ,බදුල්ල ,හාලිඇල , කන්දකැටිය , ඇල්ල , මීගහකිවුල , මහනුවර දිස්ත්‍රික්කයේ පහතහේවාහැට , පස්බාගෙ කෝරළය, ගාල්ල දිස්ත්‍රික්කයේ නාගොඩ , මාතර දිස්ත්‍රික්කයේ පිටබැද්දර සහ නුවරඑළිය දිස්ත්‍රික්කයේ හගුරන්කෙත හා වලපනේ ප්‍රාදේශීය ලේකම් කොට්ඨාසවලට මෙලෙස කහ වර්ණයෙන් යුතු නිවේදනය නිකුත් කර ඇති බව ජාතික ගොඩනැගිලි පර්යේෂණ සංවිධානය වැඩිදුරටත් දැනුම් දේ.
