කෑගල්ල සහ මහනුවර අතර නව සංචාරක කලාපයක් පිහිටුවීමට සැලසුම් සකස් කරන බව විදේශ රාජ්‍ය අමාත්‍ය තාරක බාලසූරිය මහතා පැවසීය.ඊයේ(09) පැවති මාධ්‍ය හමුවකට එක්වමෙින් රාජ්‍ය අමාත්‍යවරයා මේ බව පැවසීය.
යෝජිත පින්නවල කිතුල්ගල සංචාරක කොරිඩෝවට සමගාමීව මෙම කලාපය නිර්මාණය කරන බවත්, බුලත්කොහුපිටිය, අරණායක, මාවනැල්ල, නාවලපිටිය යන ප්‍රාදේශීය ලේකම් කොට්ඨාස වල ඇතැම් වසම් සම්බන්ධ කරමින් සංචාරක කලාපය සැදීමට බලාපොරොත්තු වන බව අමාත්‍යවරයා පැවසිය.
ඒ අනුව සංචාරක අධිකාරිය සහ දිස්ත්‍රික් සංවර්ධන කමිටුව එක්ව මේ කටයුත්ත සඳහා ප්‍රධාන සැලැස්මක් සුන්දර කෑගල්ල දිස්ත්‍රික්කය වෙනුවෙන් සකස් කරන ලෙස උපදෙස් ලබා දී තිබෙන බව ද හෙතෙම මෙහි දී වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
