සිංගප්පූරුවේ මහා කරුණා බෞද්ධ සංවිධානයේ නිර්මාතෘ, අනුශාසක පුජ්‍යපාද ආචාර්ය කරදැටියන ගුණරතන නායක ස්වාමීන් වහන්සේගේ අනුශාසනා සහ මඟ පෙන්වීම යටතේ, ප්‍රවාහන මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ ඉල්ලීමකට අනුව පොසොන් වන්දනා සමය නිමිති කර ගනිමින් මෙරටට පැමිණි සිංගප්පූරු බෞද්ධ දූත පිරිසක්ද මෙම පුණ්‍ය ක්‍රියාව සඳහා එක්ව සිටියහ.
පොසොන් සතිය තුළ අනුරාධපුරය සහ මිහින්තලේ දී මෙවැනි දානමය පුණ්‍ය ක්‍රියාවන් කිහිපයක් ද මෙම දූත පිරිස සිදුකිරීමට නියමිත අතර හෝමාගම නගරය කේන්ද්‍ර කර ගනිමින් පැවැත්වෙන ධර්ම රශ්මි පොසොන් කලාපය නැරඹීමටද මෙම දූත පිරිස එක්වීමට නියමිත වේ.
බ්‍රිතාන්‍යයේ ප්‍රධාන සංඝනායක එංගලන්තයේ බර්මින්හැම් ජේතවන විහාරාමාධිපති පූජ්‍යපාද පැපිලියාගොඩ ගුණවංශ නායක ස්වාමීන් වහන්සේ ප්‍රමුඛ ගෞරවනීය මහා සංඝරත්නයේ වැඩමවීමෙන් සිදු කෙරුණු මෙම සංඝගත දක්ෂිණාවට සිංගප්පූරුවේ මහා කරුණා බෞද්ධ සංවිධානය නියෝජනය කරමින් පනහකට අධික බෞද්ධ දූත පිරිසක් එක්ව සිටියහ.
