උතුරු පළාතේ රෙජිස්ට්‍රාර් ජනරාල් දෙපාර්තමේන්තුවේ කාර්ය මණ්ඩල හිඟයක් පවතින බවත්, විශේෂයෙන්ම කාර්යාල කාර්ය සහායක පුරප්පාඩු වැඩි වීම නිසා ජාතික වැඩසටහන් ක්‍රියාත්මක කිරීමේදී විශාල දුෂ්කරතා මතුව ඇති බවත් ගරු ආණ්ඩුකාර තුමිය අග්‍රාමාත්‍යවරයාට පැවසීය.බොහෝ දෙපාර්තමේන්තුවල ශ්‍රම හිඟය දක්නට ලැබෙන බවත් ඒ සඳහා විසඳුම් සෙවීමට ගරු අග්‍රාමාත්‍යතුමා පියවර ගන්නා ලෙසත් ආණ්ඩුකාර තුමිය ඉල්ලා සිටියාය.
දිස්ත්‍රික් විශේෂ සම්බන්ධීකරණ කමිටු රැස්වීමට පාර්ලිමේන්තු මන්ත්‍රීවරුන්, රාජ්‍ය පරිපාලන හා පළාත් පාලන අමාත්‍යාංශයේ ලේකම්, උතුරු පළාත් ප්‍රධාන ලේකම්, යාපනය දිස්ත්‍රික් වැඩබලන දිස්ත්‍රික් ලේකම් මෙන්ම අනෙකුත් දෙපාර්තමේන්තු ලේකම්වරුන්, කොමසාරිස්වරුන්, ආරක්ෂක අංශය, මහජනතාව ඇතුළු විශාල පිරිසක් සහභාගි වූහ.
