පෙරපාසල් ගුරුවරුන් නිෂ්පාදකයින් බවට පත් කර එම ශක්තිය මත පුංචි ව්‍යවසායකයින් බිහිකිරීම සහ දරුවන්ගේ හසුරු කුසලතා ඔප්නැංවීම මෙහි අරමුණයි. උතුරු මැද පළාත් පූර්ව ළමාවිය සංවර්ධන අධිකාරියේ කළමනාකාර අධ්‍යක්ෂ නිලන්ත ඒකනායක මහතාගේ සංකල්පයකට අනුව මෙම වැඩසටහන ක්‍රියාත්මක කෙරිණි.
එහිදී මැටි ආශ්‍රිත භාණ්ඩ මෙන්ම, මැටි ආශ්‍රිතව සිදු කරන ආභරණ නිර්මාණයන් නිෂ්පාදනය සම්බන්ධයෙන් පුහුණුව ලබා දීම සිදු කෙරිණි.
මෙම අවස්ථාවට ප්‍රධාන අමාත්‍යාංශයේ ලේකම් සිරිමෙවන් මහතා හා මහජන බැංකුවේ ප්‍රාදේශීය කළමනාකාර අසිත ධනවලවිතාන හා අලෙවි ප්‍රධාන සිරිමනී මහත්මිය අතුලු අධිකාරියේ නිලධාරින් සහභාගි විය.
