සෞඛ්‍ය අමාත්‍යංශයේ මූල්‍ය ප්‍රතිපාදන මත දෙනියාය මූලික රෝහල සඳහා සුභෝපභෝගී ගිලන් රථයක් පිරිනැමීම වරාය හා නාවික කටයුතු සහ දක්ෂිණ සංවර්ධන ගරු අමාත්‍ය සාගල රත්නායක මැතිතුමාගේ ප්‍රධානත්වයෙන් පසුගියදා එම රෝහලේ දී සිදු කෙරිණි.
එහි දී රෝහලේ සැත්කම් ඒකකය, බාහිර රෝගී අංශය, විකිරණ අංශය, රෝගීන් නේවාසිකව ප්‍රතිකාර ලබන වාට්ටු, කාර්ය මණ්ඩලයට විශාල ගැටලුවක්ව පවතින නේවාසිකාගාර, සැත්කම් ඒකකයට ඇති අඩුපාඩු ඇතුළු ගැටළු රාශියකට ඉක්මන් ක්‍රියාමාර්ග ගන්නා ලෙස අමාත්‍ය වරයා අදාළ නිලධාරීන්ට අවශ්‍ය උපදෙස් ලබා දෙන ලදි.
දෙනියාය මූලික රෝහලේ වෛද්‍යවරුන් සහ කාර්ය මණ්ඩලය ඇතුළු පිරිසක් මේ අවස්ථාවට සහභාගි වී සිටියහ.
DMU/Matara
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
