මෙම ව්‍යාපෘතිය සදහා රුපියල් මිලියන 500ක් වැය කිරිමට අපේක්ෂා කෙරේ. ඉන්දියානු රජයේ ආධාර යටතේ රු. මිලියන 300ක් ද ඉතිරිය රජය මගින් වැය කිරීමට නියමිතය. මෙම ව්‍යාපෘතියට අදාළ අවබෝධතා ගිවිසුම ඉන්දීය රජයේ නියෝජතයින් හා ජාතික ප්‍රතිපත්ති හා ආර්ථික කටයුතු අමාත්‍යාංශයේ නිලධාරින් විසින් පසුගිය වසරේ සැප් 17 දින අත්සන් තබනු ලැබීය.

උෂ්ණත්ව තෙතමන පාලිත නව ශිතාගාර සංකීර්ණය දඹුල්ල ආර්ථික මධ්‍යස්ථානයට යාබද පිහිටි නාගරික සංවර්ධන අධිකාරියට අයත් අක්කර 07ක ඉඩමක ඉදි කෙරේ.

මාස හයක් ඇතුළත ශිතාගාරයේ ඉදිකිරිම් කටයුතු අවසන් කිරීමට නියමිතය. නව ශීතාගාරය නවීන තාක්ෂණයෙන් සමන්විත වන අතර ඕනෑම ගොවි මහතෙකුට තම අස්වැන්න දඹුල්ල ආර්ථික මධ්‍යස්ථානය වෙත රැගෙන විත් ඉතිරි වන තොග මෙහි තැන්පත් කිරීමේ පහසුකම් සපයා තිබේ.

DMU/Matale