ජනාධිපති ලේකම් කාර්යාලයේ ජාතික වකුගඩු රෝග නිවාරණ අංශය මඟින් ලබා දුන් රුපියල් මිලියන පහක ප්‍රතිපාදන මඟින් ඉදිකරන ලද ප්‍රති ආශ්‍රීත ජල පෙරණ පද්ධතිය පසුගිය දා (03) වෙනි දින මහවිලච්චිය ප්‍රාදේශිය ලේකම් කොට්ඨාසයේ 363 රන්දුව ධීවර ගම්මානය අසල දී විවෘත කෙරිණි.
මෙම ව්‍යපෘතිය මඟින් පවුල් ඒකක 100ක පුද්ගලයින් 400කට ආසන්න ප්‍රමාණයකට පිරිපහදු කරන ලද පානීය ජල පහසුකම් සපුරා ගත හැකි වේ. ඉදිකිරීම් ඇතුලු කටයුතු ශ්‍රී ලංකා නාවික හමුදාව මඟින් සිදු කර ඇති අතර මෙහි පාලන හා නඩත්තු කටයුතු රන්දුව දිමුතු ප්‍රජා මුල සංවිධනය මඟින් සිදු කරනු ලැබේ.
ජනතා අයිතියට පත් කිරීමේ අවස්ථාව සඳහා පේමඩුව රාජමහා විහරස්ථානයේ පුජ්‍ය සුමංගල හිමියන් ඇතුලුව මහවිලච්චිය ප්‍රාදේශිය ලේකම් මංජරී සී චන්ද්‍රදාස මහත්මිය, සහකාර ප්‍රාදේශිය ලේකම් හසිනි හිටිබණ්ඩාරනායක මහත්මිය, නාවික හමුදා මානුෂිය සමාජ මෙහෙවර ව්‍යාපෘතියේ අධ්‍යක්ෂක ලුතිනන් යු.ජේ.වී. රන්දීමාල් මහතා යන නිලධාරින්ගේ සුරතින් ජනතා අයිතියට පත් කරන ලදී.
- අනුරාධපුර දිස්ත්‍රික් මාධ්‍ය ඒකකය -
