ටී.එන්.ඒ. දෙමළ ජනතාවගේ එකම නියෝජිතයා නොවන බැවින් රජයක් ලෙස වගකීමෙන් කටයුතු කිරීම අපට පැවරී ඇති බවත් පාර්ලිමේන්තු තේරීම් සභාවට ටී.එන්.ඒ. සහභාගි නොවීම පිළිබඳව අවධානයෙන් පසුවන බවත් ජනමාධ්‍ය හා ප්‍රවෘත්ති අමාත්‍ය කෙහෙළිය රඹුක්වැල්ල මහතා පැවසීය.
අමාත්‍යවරයා මේ බව පැවසුවේ ඊයේ (08) පස්වරුවේ එම අමාත්‍යාංශ ශ්‍රවණාගාරයේ පැවති කැබිනට් මාධ්‍ය හමුවේදීය.
ආගමික හා බුද්ධ ශාසන කටයුතු අමාත්‍යාංශයේ අලුතින් පිහිටුවන ලද පොලිස් ඒකකය පිළිබඳ ව රාවණා බලයට හෝ වෙනත් ඕනෑම කෙනෙකුට ප්‍රශ්නයක් මතු වී ඇත්නම් ඒ පිළිබඳ ව එම ඒකකයේ ම පැමිණිල්ලක් කළ හැකි බවද අමාත්‍යවරයා සඳහන් කළේය.
කැසිනෝ සඳහා අලුතින් කිසිදු හේතුවක් මත බලපත්‍ර නිකුත් නොකරන බව ද මෙහිදී අමාත්‍යවරයා වැඩිදුරටත් පැවසීය.
AF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
