මේ දිනවල පවතින අධික වර්ෂාව හේතුවෙන් පොළොන්නරුවේ පරාක්‍රම සමුද්‍රයේ ජල මට්ටම පිටාර මට්ටම ඉක්මවා ඇති බැවින් සමුද්‍රයේ වාන් දොරටු 08ක් අද (12) විවෘත කළ බව පොළොන්නරුවේ වාරි ඉංජිනේරු කර්යලය පවසයි.
මෙම වන් දොරටුවලින් තප්පරයට ඝන අඩි 1100ක ජල ප්‍රමණයක් අඹතැන්න ඔස්සේ මහවැලි ගඟට ගලා ගෙන යයි. මේ නිසා මනම්පිටිය හා ඒ අවට මහවැලි ගඟ ප්‍රයෝජනයට ගන්නා ජනතාවට අවධානයෙන් සිටින්නැයි වාරිමාර්ග කාර්යාලය දැනුම් දෙයි.
පරාක්‍රම සමුද්‍රයේ ජල ධාරිතාව අඩි 195කි. එය අඩි 194.5 දක්වා අඩුවනතුරු වාන් දොරටු විවෘත කොට තබන බවද පොළොන්නරුව වාරිමාර්ග කර්යාලය පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
