පිබිදෙමු පොළොන්නරුව සංවර්ධන ව්‍යාපෘතිය යටතේ ප‍්‍රතිසංස්කරණය කෙරුණු මින්නේරිය වැවේ දේවාලයේ, මින්නේරිය දේව ප‍්‍රතිමාව ජනාධිපති ගරු මෛත‍්‍රීපාල සිරිසේන මැතිතුමාගේ සුරතින් ඊයේ (06) පෙරවරුවේ නිරාවරණය කෙරිණි.
මෙම මින්නේරිය දේව ප‍්‍රතිමාව ගුවන් හමුදාපති එයාර් මාර්ෂල් කපිල ජයම්පති මහතාගේ ධන පරිත්‍යාගයෙන් හා හිඟුරක්ගෛාඩ ගුවන් හමුදා මූලස්ථානයේ නිලධාරීන්ගේ ශ‍්‍රම දායකත්වයෙන් ඉදිකොට තිබේ.
මෙම දේව ප‍්‍රතිමාව ඉදිකිරීම සඳහා ශ‍්‍රම දායකත්වය ලබාදුන් සියලුම ගුවන් හමුදා නිලධාරීන් වෙත ජනාධිපතිතුමා විසින් සමරු තිළිණ ප්රදානය කෙරුණු අතර ගුවන් හමුදාපති එයාර් මාර්ෂල් කපිල ජයම්පති මහතා අතින් ජනාධිපතිතුමා වෙත සමරු තිළිණයක් ද ප්රදානය කෙරිණි.
මෙම අවස්ථාව සඳහා අමාත්‍ය රංජිත් සියඹලාපිටිය මහතා ද එක්ව සිටියේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
