ජාත්‍යන්තර තලයේදී ශ්‍රී ලංකාව වෙනුවෙන් කොන්දේසි විරහිත ව පෙනී සිටීම සම්බන්ධයෙන් විමල් වීරවංශ අමාත්‍යවරයා මෙහිදි කියුබානු විදේශ අමාත්‍යවරයාට සිය ස්තූතිය පළ කරන ලදි.
එමෙන් ම ඇමරිකානු සම්බාධක හමුවේ කියුබාව තම ගමන ශක්තිමත්ව ඉදිරියට ගෙන යාම පිළිබඳව සතුට පළ කළ විමල් වීරවංශ අමාත්‍යවරයා කියුබානු ජනතාවගේ ධෙර්යය සම්පන්න උත්සහය ද අගය කළේය.
ඊට අමතර ව දෙරට අතර අඩුවියදමින් ශක්තිමත් නිවාස නිර්මාණශීලීව ඉදිකරගැනීම සම්බන්ධයෙන් දැනුම හුවමාරු කරගැනීමේ වැදගත්කම ද දෙරටේ අමාත්‍යවරුන් විසින් පිළිගනු ලැබීය. වීරවංශ අමාත්‍යවරයා ඊට අදාළ ව සකස් කෙරුණු ලිපියක්ද කියුබානු විදේශ අමාත්‍යවරයාට ලබා දුන් අතර ඒ අනුව අවබෝධතා ගිවිසුමක් අත්සන් කළ හැකි බවද එහිදී ප්‍රකාශ විය.
එමෙන් ම කියුබාවේ හිටපු ජනාධිපති පිදෙල් කස්ත්‍රෝ මැතිතුමා අධිරාජ්‍යවාදයෙන් බැට කන ලෝ පුරා සිටින ජනතාවට ලබාදෙන ධෙර්යයද විමල් වීරවංශ අමාත්‍යවරයා විසින් මෙහිදි විශේෂයෙන්ම අගය කරන ලදි.
ECB
