ජනාධිපති මහින්ද රාජපක්ෂ මැතිතුමා නිවේදනය කළ පරිදි සෑම ගෘහස්ථ පාරිභෝගිකයෙකුට ම තමන්ගේ විදුලි බිලෙන් 25%ක් අඩු කිරීම සිදුවන බවත්, ඊට අදාළ ගැසට් නිවේදනය ලබන සතිය තුළ නිකුත් කෙරෙන බවත් විදුලිබල හා බලශක්ති අමාත්‍ය නීතිඥ පවිත්‍රා වන්නිආරච්චි මහත්මිය ප්‍රකාශ කරයි.
අමාත්‍යවරිය පෙන්වා දෙන්නේ මීට අදාළ කටයුතු මුදල් අමාත්‍යාංශය, විදුලිබල හා බලශක්ති අමාත්‍යාංශය, ලංකා විදුලිබල මණ්ඩලය මේ දිනවල සිදු කරමින් සිටින බවයි.
වි‍ශේෂයෙන්ම 2014 සැප්තැම්බර් 16 වනදා සිට බලපැවැත්වෙන පරිදි, ඊළඟ විදුලි බිලෙන් මෙම 25% අඩුකිරීම සිදුකරනු ලබන බවද අමාත්‍යවරිය වැඩිදුරටත් ප්‍රකාශ කර සිටියි.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
