7 වන ශ්‍රී ලංකා පාබල හමුදා මූලස්ථානය වෙත ඇතුළු වීමේදී යුද හමුදාපතිතුමන් හට හමුදා පිළිවෙතට අනුව පසුකර යෑමේ කඳවුරු මුරයක් පිරිනමන ලද අතර එහි වත්මන් අණදෙන නිලධාරී ලුතිතන් කර්නල් කුලසේකර විසින් යුද හමුදාපතිතුමන් ව උණුසුම් අයුරින් පිළිගන්නා ලදී.

එම සංචාරයේ දී යුද හමුදාපතිතුමා විසින් මූලස්ථාන ගොඩනැගිලි ආදිය පරීක්ෂා කළ අතර විශේෂ අමුත්තන්ගේ සමරු සටහන් පොතේහි සමරු සටහනක් ද තබන ලදී. 1992 ඒකකය ආරම්භ කිරීමේන් අනතුරු ව යුද හමුදාපතිවරයෙකු ඒ මූලස්ථානයේ සිදු කරන ලද ප්‍රථම ඒකක සංචාරය මෙයයි.

මෙම ඒකකය මඟින් පවත්වාගෙන යන ‘තල් කැදැල්ල’ නිවාඩු නිකේතනයේ සංචාරය කළ යුද හමුදාපතිතුමා කඳවුරෙන් පිට ව යාමට පෙර ඒකකයේ සේවයේ නියුතු නිලධාරීන් සහ සෙසු නිලයන් ඇමතීමට ද කටයුතු කළේය.

NDH/arny media