ඒ මහතා මේ බව ප්‍රකාශ කළේ අද (23) රාජ්‍ය ආරක්ෂක හා නාගරික සංවර්ධන අමාත්‍යංශයේ මාධ්‍ය කේන්ද්‍රයේ පැවැති ප්‍රවෘත්ති සාකච්ඡාවකට එක්වෙමිනි.
යුද්ධයේ දී මියගිය ගුවන් හමුදා සෙබළුන්ට පිං පැමිණවීමටත්, ආබාධිත වූවන්ට හා දැනට සේවයේ නියුතුවූවන්ට සෙත් පැතීමේ අරමුණින් ගුවන් හමුදා සුබසාධක අධ්‍යක්ෂ කාර්යාලය මගින් පස්වන වරටත් සංවිධානය කරනු ලැබූ පිංකමක් ඊයේ (22) සහ අද (23) දෙදින පුරා මහනුවර දළදා මාලිගාව කේන්ද්‍ර කරගනිමින් පැවැත්වෙන බවත් ඒ
මහතා පැවසීය.
ඒ අනුව ඊයේ පස්වරුවේ ශ්‍රී දළදා මාලිගාවේ දී ගිලන්පස හා බුද්ධ පුජාවක් පැවැත්වීමට කටයුතු කළ අතර අද සංඝයා 63 නමක් විෂයෙහි සපිරිකර සංඝගත දක්ෂිණාවක් පැවැත්වෙන බවත් ඒ මහතා පැවසීය.
මෙම පිංකම් අවස්ථාවන් සඳහා යුද්ධයේ දී මියගිය ගුවන් හමුදා සෙබළුන්ගේ ඥාතීන්, ආබාධිත සෙබළුන් මෙන් ම සේවයේ නියුතු සෙබළ සෙබළියෝ විශාල පිරිසක් ද සහභාගි වූහ.
DB
