ජාතික විද්‍යා සතියට සමගාමීව ජාතික විද්‍යා පදනම (NSF) මඟින් සංවිධානය කරන ලද පාසල් ළමුන් සඳහා වන ලෝක විද්‍යා දින වැඩසටහන ලබන 10 දා පෙරවරු 8.00 සිට පස්වරු 1.30 දක්වා කොළඹ, බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්වීමට නියමිතය.
මෙදින ම පෙරවරු 9.00 සිට පස්වරු 5.00 දක්වා කිංග්ස්බරි හෝටලයේදී ශ්‍රී ලංකා ප්‍රමිති ආයතනය විසින් ජාතික තත්ත්ව ප්‍රතිපත්ති කෙටුම්පත පිළිබඳ දැනුවත් කිරීමේ වැඩසටහනක් ද පැවැත්වේ.
ශ්‍රී ලංකා ප්‍රමිති ආයතනය (SLSI) මේ වැඩමුළුව සංවිධානය කර ඇත.
මේ වැඩසටහන් ජාතික විද්‍යා සතිය සමගාමීව පැවැත්වෙන අතර පසුගිය 04දා සිට ලබන 10 දින දක්වා තාක්ෂණ හා පර්යේෂණ අමාත්‍යාංශය විසින් ජාතික විද්‍යා සතියක් ප්‍රකාශයට පත් කරනු ලැබ ඇත.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
