මුලතිව් දිස්ත්‍රික්කයේ පුදුකුඩිඉරිප්පු සහ මුහුදුබඩපත්තු යන ප‍්‍රාදේශිය සභාවල මැතිවරණය ශ්‍රේෂ්ඨාධිකරණය ලබාදුන් නියෝගයකට අනුව හෙට දිනයේ (28) නොපවත්වන බව අතිරේක මැතිවරණ කොමසාරිස් යූ. අමරදාස මහතා නිවේදනයක් නිකුත් කරමින් පවසයි.
මෙම මැතිවරණය නොපවත්වන ලෙස ඉල්ලමින් ශ්‍රේෂ්ඨාධිකරණය වෙත යොමු කරන ලද මූලික අයිතිවාසිකම් පෙත්සම් දෙකක් සලකා බලමින් පුදුකුඩිඉරිප්පු සහ මුහුදුබඩපත්තු යන ප‍්‍රාදේශිය සභාවල මැතිවරණය හෙට දිනයේ නොපවත්වා කල් තැබීමට ශ්‍රේෂ්ඨාධිකරණය විසින් අද (27) වාරණ නියෝගයක් නිකුත් කරන ලදී.
ඒ අනුව මුලතිව් දිස්ත්‍රික්කයේ පුදුකුඩිඉරිප්පු සහ මුහුදුබඩපත්තු යන ප‍්‍රාදේශිය සභාවල මැතිවරණය හෙට දිනයේ නොපැවැත්වෙන අතර මෙම මැතිවරණය දින නියමයකින් තොරව කල් ගිය බව අතිරේක මැතිවරණ කොමසාරිස්වරයා ප්‍රකාශ කරයි.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
