නුවරඑළිය දිස්ත්‍රික් රෝහල මහල් 06 කින් සමන්විත අති නවීන වෛද්‍ය පහසුකම්වලින් යුතු රෝගී සත්කාරක සේවා සපයන රෝහලක් බවට නවීකරණය කිරීමේ කටයුතු මේ වන විට සිදු වෙමින් පවතින අතර එම කටයුතු පසුගිය දා ජනාධිපති මෛත්‍රිපාල සිරිසේන මැතිතුමාගේ නිරික්ෂණයට ලක් විය.
ඉදිකෙරෙමින් පවතින ගොඩනැගිලි සංකීර්ණය නිරික්ෂණය කළ ජනාධිපතිතුමා අදාළ ඉංජිනේරුවන් සමග කතා බහක නිරත වෙමින් ඉදිකිරීම් කටයුතු පිළිබඳ විමසීය.
දිස්ත්‍රික්කයේ ජනතාවගේ සෞඛ්‍ය පහසුකම් වැඩිදියුණු කිරීම උදෙසා අදාළ ඉදිකිරීම් කටයුතු කඩිනමින් නිමා කරන ලෙසද ජනාධිපතිතුමා නිලධාරින්ට උපදෙස් ලබා දුන්නේය.
පාර්ලිමේන්තු මන්ත්‍රී සී.බී රත්නායක, නුවරඑළිය නගරාධිපති මහින්ද දොඩම්පේගමගේ, රෝහල් අධ්‍යක්ෂ වෛද්‍ය අරුණ ජයසේකර යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
