පාර්ලිමේන්තුවේ වැඩිම ආසන සංඛ්‍යාවක් ලබා ඇති එක්සත් ජාතික පක්ෂය විසින් ජාතික ආණ්ඩුවක් පිහිටුවා ඇති බැවින්, අමාත්‍ය මණ්ඩලයේ අමාත්‍යවරුන් සංඛ්‍යාව 48ක් නොඉක්මවිය යුතු බවත්, අමාත්‍ය මන්ඩලයේ සාමාජිකයන් නොවන අමාත්‍යවරුන්ගේ හා නියෝජ්‍ය අමාත්‍යවරුන්ගේ සංඛ්‍යාව 45ක් නොඉක්මවිය යුතු බවත්, ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ ආණ්ඩුක්‍රම ව්‍යවස්ථාවේ 46(4) ව්‍යවස්ථා ප්‍රකාර පාර්ලිමේන්තුව විසින් තීරණය කරනු ලබන යෝජනාව අග්‍රාමාත්‍යවරයා විසින් පාර්ලිමේන්තුවට ඉදිරිපත් කළේය.
ජනතා විමුති පෙරමුණේ පාර්ලිමේන්තු මන්ත්‍රී අනුර කුමාර දිසානායක මහතා ඡන්ද විමසීමක් ඉල්ලා සිටි අතර ඡන්ද විමසීම නාමිකව සිදු විය.
යෝජනාවට පක්ෂව ඡන්ද 143 ලැබුණු අතර විපක්ෂව ඡන්ද16 ලැබිණි. නොපැමිණි මන්ත්‍රී සංඛ්‍යාව 63කි. ඒ අනුව යෝජනාව සම්මත වූ බව කතානායක කරූ ජයසූරිය මහතා සභාවට ප්‍රකාශ කළේ ය
