ශ්‍රී ලංකාවේ නිල සංචාරයක යෙදෙන පකිස්ථාන අග්‍රාමාත්‍ය නවාස් ෂරීෆ් මැතිතුමා විසින් “ශ්‍රී ලංකා - පාකිස්ථාන සබඳතා” මැයෙන් විශේෂ දේශනයක් ද පැවැත්වීමට නියමිතව ඇතැයි විදේශ කටයුතු අමාත්‍යාංශය පවසයි.
ජාත්‍යන්තර සබඳතා හා ක්‍රමෝපායක අධ්‍යයන පිළිබඳ ලක්ෂ්මන් කදිර්ගාමර් ආයතනයේ (LKIIRSS) ආරාධනයෙන් අග්‍රාමාත්‍ය නවාස් ෂරීෆ් මැතිතුමා “සිනමන් ලේක්සයිඩ්” හෝටලයේ දී මෙම දේශනය කිරීමට නියමිතය.
අතිගරු ජනාධිපති මෛත්‍රීපාල සිරිසේන මැතිතුමාගේ ආරාධනයක් අනුව පාකිස්ථාන අගමැති අතිගරු නවාස් ෂරීෆ් මැතිතුමා 2016 ජනවාරි 04 සිට 06 දිනවල දී ශ්‍රී ලංකාවේ නිල සංචාරයක නියැලෙනු ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
