ලෝක ග්ලූකෝමා සතිය නිමිත්තෙන් ”අදෘශ්‍යමාන ග්ලූකෝමාව පරදවමු” යන තේමාව යටතේ සංවිධානය කර තිබූ පා ගමන ජනාධිපති මෛත‍්‍රීපාල සිරිසේන මැතිතුමාගේ ප‍්‍රධානත්වයෙන් ඊයේ (11) පෙරවරුවේ පැවැත්විණි.
කොළඹ ජාතික අක්ෂි රෝහල විසින් සංවිධානය කළ එම පා ගමන විහාර මහා දේවි උද්‍යානයෙන් ආරම්භ වී ජාතික අක්ෂි රෝහල දක්වා ගමන් කෙරිණ.
සෞඛ්‍ය නියෝජ්‍ය අමාත්‍ය ෆයිසාල් කාසීම්, ජාතික අක්ෂි රෝහලේ අධ්‍යක්ෂ වෛද්‍ය ඒ.ඒල්.එම්. රිෆාස්, ජාතික අක්ෂි ශල්‍ය විශේෂඥවරුන්ගේ සංගමයේ සභාපති වෛද්‍ය ප‍්‍රදීපා සිරිවර්ධන, අක්ෂි ශල්‍ය වෛද්‍යවරුන් වන මුදිතා කුලතුංග, චරිත් ෆොන්සේකා සහ සෞඛ්‍ය කාර්යය මණ්ඩලය ඇතුළු පිරිසක් මෙම පා ගමනට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
