විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා ඇතුළු අමාත්‍යවරුන් වන සුසිල් පේ‍්‍රමජයන්ත, පාඨලී චම්පික රණවක, සාගල රත්නායක, නියෝජ්‍ය අමාත්‍යවරුන් වන ඉරාන් වික‍්‍රමරත්න, අජිත්. පී පෙරේරා යන මහත්වරුන් එහි සාමාජිකයින් වෙති.
මෙම කමිටුවේ පළමු වාර්තාව සතියක් තුළ ජනාධිපතිතුමා වෙත භාරදීමට නියමිත ය. විදුලිබල ක්ෂේත‍්‍රයේ ඇති දුර්වලතා සහ ගැටලු නිරාකරණය කර රටේ ජන ජීවිතය හා සංවර්ධන ක්ෂේත‍්‍රයට කිසිදු බලපෑමක් ඇති නොවන සේ සේවාවන් ලබාදීමට අවශ්‍ය නිර්දේශ මෙම කමිටුව මගින් ඉදිරිපත් කරනු ඇත.
ඉහත කී කමිටුව මාස 03 ක පමණ කාලයක් තුළ අවශ්‍ය කටයුතු ඉටු කිරීමට නියමිත අතර මෙම කටයුතුවලට සහායවීම සඳහා විදුලිබල හා බලශක්ති ක්ෂේත‍්‍රයේ අත්දැකීම් ඇති පුද්ගලයින් හා විද්වතුන් තෝරා ගැනීම සඳහා ද ජනාධිපතිතුමා විසින් කමිටුවට බලය පවරා තිබේ.
