ධීවර කර්මාන්තය, කෘෂි කර්මාන්තය හා සංචාරක කර්මාන්තය දියුණු කිරීමට රජය පියවර ගෙන ති‍බෙන බවත් ධීවර කර්මාන්ත‍යේ දියුණුවට රජය යම් යම් සාධනීය පියවර ගෙන ඇති නිසා අ‍පේ මත්ස්‍ය අස්වැන්න වර්ධනය වී ඇති බවත් පුත්තලම දිස්ත්‍රික් පාර්ලිමේන්තු මන්ත්‍රී අරුන්දික ප්‍රනාන්දු මහතා පැවසීය.
මන්ත්‍රීවරයා මේ බව පැවසුවේ ශ්‍රී ලංකා ජාතික ජලජීවී වගා සංවර්ධන අධිකාරිය පනත යටතේ නියෝග දෙකක් පිළිබඳ අද (04) පාර්ලිමේන්තුවේ පැවති විවාදයට එක්වෙමිනි.
රජයක් වෙනස් වෙන කොට වෙනස් වෙන්නේ නැති ධීවර කර්මාන්තයකට අඩිතාලම සකස් කළ යුතුයි. වැව් සංවර්ධනය කිරීම මඟින් මිරිදිය ධීවර කර්මාන්තය සංවර්ධනය කළ හැකි සේම ඒ මඟින් විශාල ආදායම් ද උපයා ගත හැකියි. මේ රජය කිසි වි‍ටෙක ධීවර ජනතාව අමතක කරන්නේ නැති බවත් ඔවුන්ගේ ජීවිත නගාසිටුවීමට දිය හැකි සෑම දේම ලබා දෙන බවත් මන්තීවරයා පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
