ශ්‍රී ලංකා හදවත් සංගමය විසින් සංවිධානය කර තිබූ මෙම පා ගමන ඊයේ කොළඹ විහාර මහා දේවි උද්‍යාන පරිශ්‍රය අසළින් ආරම්භ කෙරිණි.
වර්තමානයේ හදවත් රෝගවල ප්‍රවණතාව සීග්‍රයෙන් වැඩිවෙමින් පවතී. අහිතකර සෞඛ්‍ය පුරුදු හා ආහාර ක්‍රම මේ සඳහා මූලික ලෙස බලපා තිබේ.
“සෞඛ්‍ය සම්පන්න ජීවන ක්‍රම හා ආහාර පුරුදු ඇතිකර හදවත් රෝග ඇතිවීම වලක්වා ජීවිතය ජවනය කර ගැනීම” යන්න මෙවර ලෝක හදවත් දිනයේ තේමාව වන අතර එම අරමුණ ඔස්සේ වැඩසටහන් රැසක් සංවිධානය කර තිබේ.
ලෝක හදවත් දින සැමරුම හා සමගාමීව පාසල් දරුවන් අතර පැවති පෝස්ටර් සහ චිත්‍ර තරගයේ ජයග්‍රහාකයින්ට තිළිණ ප්‍රදානය කිරීම ද මෙහිදී ජනාධිපතිතුමා අතින් සිදු විය.
එම චිත්‍ර හා පෝස්ටර් නැරඹීමට ද ජනාධිපතිතුමා එක් විය.
