කොළඹ 07 ශ්‍රී සම්බෝධි විහාරස්ථානයේ අභිනවයෙන් ඉදිකළ බුද්ධ ප්‍රතිමා වහන්සේ නිරාවරණය කිරීම සනිටුහන් කරමින් එහි සමරු ඵලකය විවෘත කිරීම ද මෙහිදී ජනාධිපතිතුමා අතින් සිදු විය.
අභිනව බුද්ධ ප්‍රතිමා වහන්සේ සදහා පළමු මල් පූජාව සිදු කරන ලද්දේ ද ජනාධිපතිතුමා විසිනි.
විහාරස්ථානයේ අභිනවයෙන් ඉදිකළ බුද්ධ මන්දිරය විවෘත කිරීම ද ජනාධිපතිතුමා අතින් සිදු විය.
එමෙන්ම එහි පිහිටි දිවංගත ලක්ෂ්මන් කදිරගාමර් අනුස්මරණ ජාත්‍යන්තර පුස්තකාලය විවෘත කෙරුණේ ද ජනාධිපතිතුමා අතිනි.
එහි ඉදි කර තිබූ ශද්ධෝත්තම පාප් වහන්සේගේ කුටිය ද ජනාධිපතිතුමාගේ නිරික්ෂණයට ලක් විය.
අනතුරුව ශ්‍රී සම්බෝධි වෙසක් කලාපය සහ ප්‍රදර්ශන කුටි සීයයකින් යුතු ජාතික වීරයන් අනුස්මරණය කෙරෙන මහා ප්‍රදර්ශනය ද ජනාධිපතිතුමා අතින් විවෘත කෙරිණි.
