ශ්‍රී ලංකාව තුළ පාර්ලිමේන්තු ප්‍රජාතන්ත්‍රවාදය ස්ථාපිතව වසර 70ක් සම්පූර්ණවීම නිමිත්තෙන් පැවැත්වෙන විශේෂ පාර්ලිමේන්තු සභා වාරය අද (03) පාර්ලිමේන්තු සංකීර්ණයේ දී මීට සුළු මොහොතකට පෙර ආරම්භ විය.
කතානායක කරූ ජයසූරිය මහතා මූලාසනයට පැමිණි අතර සභාවේ කටයුතු ආරම්භ විය.
විශේෂ සභාවට අතිගරු ජනාධිපති මෛත්‍රිපාල සිරිසේන මහතා,අග්‍රාමාත්‍ය රනිල් වික්‍රමසිංහ මහතා,විපක්ෂ නායක ආර්.සම්බන්ධන් මහතා ඇතුළු පක්ෂ විපක්ෂ ජනතා නියෝජිතයන්, සාර්ක් කලාපයේ රටවල් නියෝජනය කරන කතානායකවරුන්,නියෝජ්‍ය කතානයකවරුන්, විශේෂ විදෙස් නියෝජිතයන් එක්වී සිටිති.
එහිදී අතිගරු ජනාධිපතිතුමා, අග්‍රමාත්‍යතුමා, සභානායකතුමා, විපක්ෂනායකතුමා සහ පාර්ලිමේන්තුවේ පිළිගත් දේශපාලන පක්ෂ නායකයන් විසින් සභාව අමතනු ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
