පාර්ලිමේන්තුව ජනවාරි 10 දින පෙ.ව. 10.30ට රැස්වෙන බව පාර්ලිමේන්තුවේ නියෝජ්‍ය මහලේකම් හා කාර්යමණ්ඩල ප්‍රධානී නීල් ඉද්දවල මහතා පවසයි.
අග්‍රාමාත්‍ය රනිල් වික්‍රමසිංහ මහතා විසින් ස්ථාවර නියෝග 14 යටතේ කරන ලද ඉල්ලීමකට අනුව මෙම විශේෂ රැස්වීම සිදුවන බව ද නියෝජ්‍ය මහලේකම්වරයා පැවසීය. ඒ අනුව ජනවාරි 10 දින පෙ.ව 10.30 පාර්ලිමේන්තුව රැස්වෙයි.
තවද හෙට (9) දින පාර්ලිමේන්තුවේ දී විශේෂ පක්ෂ නායක රැස්වීමක් ද පැවැත්වෙන බවත් එහි දී දහවැනි දින (10) රැස්වීමේ කටයුතු සාකච්ඡා කෙරෙණු ඇති බවත් නියෝජ්‍ය මහලේකම්වරයා රජයේ නිලපුවත් වෙබ් අඩවියට සඳහන් කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
