පාගොඩ ශ්‍රී විද්‍යා විජයාරාමයේ අභිනව වාහල්කඩ, බෝධින්වහන්සේ වටා ඉදිකළ රන්වැට ආදි විහාරාංග රැසක් සග සතුකොට පූජා කිරිමේ පුණ්‍ය මහෝත්සවය ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් අද (20) පස්වරුවේ පැවැත්විණි.
අභිනව රන්වැට විවෘත කිරීමෙන් අනතුරුව බෝධින් වහන්සේ වෙත ප්‍රථම පුෂ්පෝපහාරය හා ගිලන් පස පූජාව ජනාධිපතිතුමා අතින් සිදු කෙරුණු අතර පාගොඩ ශ්‍රී විද්‍යා විජයාරාමයේ විහාරාධිපති පූජ්‍ය කරගහඋල්පත සුගතනන්ද නායක හිමිපාණන් වහන්සේ ප්‍රමුඛ මහා සංඝරත්නය සෙත් පිරිත් සජ්ජායනා කර ජනාධිපතිතුමා වෙත ආශිර්වාද පළ කළහ.
අමාත්‍ය පාඨලි චම්පික රණවක මහතා සහ සැදැහැවත් ජනතාව විශාල පිරිසක් මීට එක්ව සිටියහ.
( ඡායාරූප : චන්දන පෙරේරා - ජනාධිපති මාධ්‍ය අංශය )
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
