ටෙලිමේල් සේවාව සඳහා අමාත්‍යමණ්ඩල අනුමැතිය ලැබී ඇතැයි තැපැල් සේවා ඇමැති ජීවන් කුමාරණතුංග මහතා අද (10) පාර්ලිමේන්තුවේදී ප්‍රකාශ කළේය.
රජයේ සේවකයන්ගේ නිවාඩු ගැනීම සම්බන්ධව මෙතෙක් පැවති විදුලි පණිවුඩ සේවාව මෙන් මෙම ටෙලිමේල් සේවාවටද නෛතික බලය ලබාදීමට කටයුතු කරන බව ඇමැතිවරයා පැවසුවේ මාතර දිස්ත්‍රික් එජාප මන්ත්‍රී බුද්ධික පතිරණ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
ටෙලිමේල් සේවාවට අදාළ නෛතික තත්ත්වය ලබාදීමට රාජ්‍ය පරිපාලන අමාත්‍යාංශය සමඟ සාකච්ඡා කරන බව ද අමාත්‍යවරයා අවධාරණය කළේය.
HC/NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
