ඇමරිකා එක්සත් ජනපදයේ නිල සංචාරයක නිරත වී සිටින ජනාධිපති මහින්ද රාජපක්ෂ මැතිතුමා ඉදිරි දින කිහිපයේදී ද්විපාර්ශ්වික සාකච්ඡා සඳහා ඉන්දීය අග්‍රාමාත්‍ය නරේන්ද්‍ර මෝදි මැතිතුමා හමුවී සාකච්ඡා කිරීමට නියමිතය.
ජනාධිපතිවරයා හා දූත පිරිස එක්සත් ජාතීන්ගේ මහා සම්මේලනයේ 69 වෙනි සැසිවාරයට සහභාගි වීම පිණිස ඇමරිකාවේ සය දින සංචාරයක් සඳහා පසුගිය සන්ධ්‍යාවේ පිටත් ව ගිය බව ජනාධිපති ප්‍රකාශක මොහාන් සමරනායක මහතා පැවසීය.
මහ සමුළුව අද (23) නිව් යෝක්හි එක්සත් ජාතීන්ගේ මූලස්ථානයේදී ආරම්භ කෙරෙන අතර ජනාධිපති මහින්ද රාජපක්ෂ මැතිතුමා හෙට (24) මේ සභාව අමතනු ඇති බව ද ඔහු සඳහන් කළේය.
සමුළුවට සමගාමී ව ජනාධිපතිවරයා ලොව වටා රාජ්‍ය නායකයන් විශාල පිරිසක් සමඟ ද්විපාර්ශ්වික සාකච්ඡා පැවැත්වීමට ද අපේක්ෂා කරයි.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
